Një 43-vjecar i shpallur në kërkim ndërkombëtar është arrestuar në Durrës. Policia bën me dije se u bë arrestimi i përkohshëm me qëllim ekstradimi në Rumani, i shtetasit Blerim Pllana, 43 vjeç, të cilin Gjykata e Bukureshtit, Rumani, më datë 24.02.2021, e ka dënuar me 6 muaj burgim për veprën penale “Kalimi i paligjshëm i kufirit”.
Po ashtu kanë rënë në pranga edhe 2 persona të tjerë shtetasi A. K., 38 vjeç, pasi është kapur në flagrancë nga shërbimet e Policisë, në tentativë për të vjedhur kabllon e energjisë elektrike në Port Durrës dhe shtetasja Xh. Gj., 24 vjeçe, pasi është kapur nga shërbimet e Policisë, duke drejtuar automjetin, pa leje drejtimi.
Durrës
Arrestohet me qëllim ekstradimi, 1 shtetas i shpallur në kërkim ndërkombëtar.
Nga specialistët e Sektorit për Hetimin e Krimit në DVP Durrës u bë arrestimi i përkohshëm me qëllim ekstradimi në Rumani, i shtetasit Blerim Pllana, 43 vjeç, të cilin Gjykata e Bukureshtit, Rumani, më datë 24.02.2021, e ka dënuar me 6 muaj burgim për veprën penale “Kalimi i paligjshëm i kufirit”.
Specialistët e Hetimit të Krimit në DVP Durrës arrestuan në flagrancë për veprën penale “Vjedhja” mbetur në tentativë, shtetasin A. K., 38 vjeç, banues në Durrës, pasi është kapur në flagrancë nga shërbimet e Policisë, në tentativë për të vjedhur kabllon e energjisë elektrike në Port Durrës.
Specialistët e Qarkullimit Rrugor arrestuan në flagrancë shtetasen Xh. Gj., 24 vjeçe, banuese në Durrës, pasi është kapur nga shërbimet e Policisë, duke drejtuar automjetin, pa leje drejtimi.
Materialet i kaluan në Prokurorisë, për veprime të mëtejshme.
